án titils...
bauð litlu systur á american style í kvöld. átti það alveg skilið, er að búa til lítið forrit fyrir mig, forrit sem ég hélt myndi taka hana korter að búa til, tekur hana minnst 3 tíma...
enníveis, kom heim og sá stór og stæðileg grýlukerti hangandi framan á svölunum mínum. er á þriðju hæð og það er töluverð umferð gangandi vegfaranda beint fyrir neðan svalirnar og á hárréttu augnabliki getur eitt vel valið grýlukerti klofið mann og/eða konu í herðar niður, tjah, svo til, amk valdið óafturkræfum skaða...
skrýtið, af einhverjum ástæðum varð mér fyrst hugsað til þess að húseigendur eru ábyrgir fyrir þeim skaða sem hlýst af fallandi grýlukertum, sá fyrir mér málaferli sem geta bara endað á einn veg, slegið upp í risaletri á forsíðu dv... dramatískur? ég? kameinaru?
ákvað því að taka til minna ráða sem eini maðurinn með daglegan aðgang að nefndum svölum og fella grýlukertin áður en þau yrði manni og öðrum að fjörtjóni. upphófst þá mikil leit að hentugu verkfæri til niðurfellingarinnar. varð á endanum að sætta mig við sérlega óhentugt verkfæri. vopnaður skúringagræju, moppulausri að vísu, gekk ég út á snjóugar svalirnar og réðst til atlögu við kertin hennar grýlu sem földu sig undir svalahandriðinu og hlógu að mér og vopninu. það fór þó svo að lokum að ég hafði sigur og enginn óbreyttur borgari særðist eða féll þrátt fyrir það að einn úr þeirra röðum hafi gert sér lítið fyrir og trítlað yfir allt átakasvæðið eins og það lagði sig þegar bardaginn stóð sem hæst. svo vona ég líka að byggingar og auglýsingaskilti hafi sloppið án teljandi skaða en það á eftir að koma í ljós...
enníveis, kom heim og sá stór og stæðileg grýlukerti hangandi framan á svölunum mínum. er á þriðju hæð og það er töluverð umferð gangandi vegfaranda beint fyrir neðan svalirnar og á hárréttu augnabliki getur eitt vel valið grýlukerti klofið mann og/eða konu í herðar niður, tjah, svo til, amk valdið óafturkræfum skaða...
skrýtið, af einhverjum ástæðum varð mér fyrst hugsað til þess að húseigendur eru ábyrgir fyrir þeim skaða sem hlýst af fallandi grýlukertum, sá fyrir mér málaferli sem geta bara endað á einn veg, slegið upp í risaletri á forsíðu dv... dramatískur? ég? kameinaru?
ákvað því að taka til minna ráða sem eini maðurinn með daglegan aðgang að nefndum svölum og fella grýlukertin áður en þau yrði manni og öðrum að fjörtjóni. upphófst þá mikil leit að hentugu verkfæri til niðurfellingarinnar. varð á endanum að sætta mig við sérlega óhentugt verkfæri. vopnaður skúringagræju, moppulausri að vísu, gekk ég út á snjóugar svalirnar og réðst til atlögu við kertin hennar grýlu sem földu sig undir svalahandriðinu og hlógu að mér og vopninu. það fór þó svo að lokum að ég hafði sigur og enginn óbreyttur borgari særðist eða féll þrátt fyrir það að einn úr þeirra röðum hafi gert sér lítið fyrir og trítlað yfir allt átakasvæðið eins og það lagði sig þegar bardaginn stóð sem hæst. svo vona ég líka að byggingar og auglýsingaskilti hafi sloppið án teljandi skaða en það á eftir að koma í ljós...

0 Comments:
Skrifa ummæli
<< Home